පාර්ලිමේන්තු විසුරුවා මහ මැතිවරණයක් කැඳවන ලෙස ජනාධිපති රනිල් වික්රමසිංහ මහතාගෙන් යළිත් වරක් ඉල්ලීමට ශ්රී ලංකා පොදු ජන පෙරමුණ තීරණය කර ඇත.
මීට පෙරද පොදු ජන පෙරමුණු විසින් එම ඉල්ලීම අවස්ථා කිහිපයකදීම කර තිබිණ.
මහ මැතිවරණයක් කැදවුවහොත් ශ්රී ලංකා පොදුජන පෙරමුණ පොහොට්ටුව ලකුණෙන් පමණක් තරග කිරීමටද තීරණය කර ඇත.
කෙසේ වෙතත් ජනාධිපති වික්රමසිංහ මහතාගේ මතය වී ඇත්තේ ව්යවස්ථාවේ ඇති පරිදි පළමුව ජනාධිපතිවරණයක් අනිවාර්යෙන් පැවැත්වෙනු ඇති බවය.
වසර අවසන් වන තෙක් එළවළු මිළ ගණන් අසාමාන්ය ලෙස ඉහළ යාමේ අවධානමක් නොමැති බව හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු ආයතනය පවසයි.
සෑම වර්ෂයකම මහ කන්නයේ හා යල කන්නයේ වගා කරනු ලබන එළවළු සහ පලතුරු අස්වැන්න අප්රේල් මාසය අවසන් වනවිට අවසන් වෙයි .
ඒ හේතුවෙන් මැයි සහ ජුනි ,ජූලි මාස වල එළවළු මිල ඉහළ යාමක් සිදු නොවන බව එම ආයතනය පවසයි.
එහෙත් මෙවර මහ කන්නයේදී අධික වර්ෂාව නිසා එළවළු වගාව ප්රමාද වී ආරම්භ කිරීම හේතුවෙන් වර්ෂාවෙන් විනාශ වූ එළවළු නැවත වගාකිරීම ආරම්භ කෙරිණි.
මෙම අස්වනු සියල්ල එකවර වෙලද පොළට පැමිණීම නිසා එළවළු මිළ වෙළඳ පොළේ පහළ ගිය බව හෙක්ටර් කොබ්බෑකඩුව ගොවිකටයුතු පර්යේශන හා පුහුණු ආයතනය පවසයි.
එමෙන්ම හිඟයකින් තොරව එළවළු වෙළඳ පොළට පැමිණෙයි.
යම් හෙයකින් මෙම මාසයේ අවසන් සති 02 තුල දැඩි වර්ෂාපතනයක් ඇතිවුවහොත් ජූනි මාසය දක්වා එළවළු මිල ගණන් වල යම් වැඩිවීමක් සිදුවිය හැකිය.
කාලගුණික වශයෙන් ඉදිරියේදි දැඩි බලපෑමක් සිදුනොවුනහොත් මෙම වසර අවසන් වනතෙක් එළවළු මිළ ගණන් අසාමාන්ය ලෙස ඉහළ නොයනු ඇතිබව පැවසීය.
මේ අතර ජනතාවගෙන් 90%ක් පරිභෝජනය කරන නාඩු සහල් මිළ ගණන් ඉදිරි මාස 03 තුළත් නොවෙනස්ව පවතිනු ඇතිබව හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු ආයතනය පවසයි.
එහෙත් කීරි සම්බා සහල් මිල ගණන් ඉදිරියේදී තවදුරටත් ඉහළ යාමක් සිදුවිය හැකිය. මෙවර බඩ ඉරිගු අස්වැන්න ඉහළගොස් තිබේ.
බඩ ඉරිගු ගොවීන්ට මේ වනවිට ඉහළ මිලක් ලැබි ඇතිබව එම ආයතනය පවසයි.
ඒ අනුව බඩ ඉරිඟු කිලෝග්රෑම් 01 මිල රුපියල් 125ත් 135 වැනි මිලක පවතින බව හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු ආයතනය වැඩිදුරටත් පවසයි.
අග්රාමාත්ය දිනේෂ් ගුණවර්ධන මහතාගේ නායකත්වයෙන් යුතු මහජන එක්සත් පෙරමුණ විසින් ජාත්යන්තර කම්කරු දිනය වෙනුවෙන් නිකුත් කරන ලද මාධ්ය නිවේදනයක් මෙහි දැක්වෙයි.
මහජන එක්සත් පෙරමුණේ මැයි දින පණිවිඩය
1956 බලයට පත් මහජන එක්සත් පෙරමුණ රජය ලෝක කම්කරු දිනය නිවාඩු දිනයක් ලෙස ප්රකාශයට පත් කරන ලදී.
මහජන එක්සත් පෙරමුණ හා ජාතික සංවිධාන එක්ව ලෝක කම්කරු දිනයට වසර සියයක් ගෙවුණු දින (1987) නාරාහේන්පිට අභයාරාමයේදී පැවති මැයි දිනයට එල්ල කළ පොලිස් වෙඩි පහරින් දිවිපිදූ නීති ශිෂ්ය කිත්සිරි මෙවන් රණවක සහෝදරයා සහ ආනන්ද ලාල් කිරිබත්ගොඩ සහෝදරයා සිහිපත් කරමු.
මහජන එක්සත් පෙරමුණ අඛණ්ඩව ප්රගතිශීලී ආණ්ඩු තුළ මෙන්ම පාර්ලිමේන්තුව තුළත් ඉන් පිටතත් විවිධ කම්කරු ව්යාපාර, වැඩ බිම්වල සටන්වලට සම්බන්ධ වෙමින් ව්යවස්ථාදායක මණ්ඩලවල අණ පනත් ගැන අවධියෙන් ජන අරගල කරමින්, වැඩකරන ජනතාව භුක්ති විදින අයිතිවාසිකම් රාශියක් අත් කර දීමට වැඩකරන ජනතාව සමඟ අත් වැල් බැද ගත්තෙමු.
මෙවර මැයි දිනය පැවැත්වෙන්නේ ඉතිහාසයේ අතිශය තීරණාත්මක අවස්ථාවක ආර්ථික අවපාතය හේතුවෙන් වැඩකරන ජනතාව ඇතුළු සමස්ත ජනතාව දුෂ්කරතා රැසකට මුහුණ දී සිටින මොහොතක ය. මෙම දුෂ්කරතාවයන් පාදක කරගනිමින් දේශීය මෙන්ම විජාතික දේශද්රෝහී බලවේග විවිධාකාර අන්දමින් ජන ජීවිතය නොසන්සුන් කිරීමට, තිස් අවුරුදු යුද්ධය අවසන් කර මෙරට ජනතාවට අත්කර දුන් සාමකාමී නිදහස් වාතාවරනය ආපසු හැරවීමට, ප්රජාතන්ත්රවාදී ක්රියාදාමයන් කඩා බිඳ දැමීමට හා ඒකීය රාජ්ය විනාශ කර දැමීමට කැස කවමින් සිටී.
එම ප්රතිගාමී කුමන්ත්රණයන් පරාජය කිරීමටත්,දිනූ වැඩකරන ජනතා අයිතිවාසිකම් හා සේවා තත්ත්වයන් ආරක්ෂා කර ගැනීමටත් අධිෂ්ඨාන සහගතව කැපවී කටයුතු කරන ලෙස පන්නරය ලබා සිටින වෘත්තීය සමිති මෙරට වැඩකරන ජනතාවට ආයාචනය කර සිටී.
ජීවන බර සහ දැඩි ආර්ථික පීඩනය අවම කිරීමටත්, ආහාර ඖෂධ ඇතුලු අත්යවශ්ය පාරිභෝගික භාණ්ඩ සුලබ කර, ජනතාවට සහන සලසන ලෙසත් මහජන එක්සත් පෙරමුණ රජයට බලකර සිටී.
ශ්රේෂ්ඨ මැයි දින පැතුම වූ වැඩකරන ජනතා අයිතීන් සුරකිමු.
ස්තුතියි
මෙයට – විශ්වාසී
නීතිඥ තිස්ස ජයවර්ධන යාපා
ප්රධාන ලේකම්
මහජන එක්සත් පෙරමුණ
ජාතික ජන බලවේගය විසින් මෙවර සංවිධනය කරන මැයි රැලි සඳහා ලක්ෂ පහකට වැඩි ජනතාවක් සහභාගී වන බව එම පක්ෂයේ ජාතික විධායක සභික හිටපු පාර්ලිමේන්තු මන්ත්රී සුනිල් හඳුන්නෙත්ති මහතා සඳහන් කරයි.
ජාතික ජනබලවේගයට සම්බන්ධ වෘත්තීය සමිති, ගොවි සංවිධාන, තරුණ සංවිධාන හා කොට්ඨාස සමිති වල සාමජිකයන් මෙසේ පැමිණෙනු ඇති බවත් ඒ මහතා සඳහන් කළේය.
මාලිමා මැයි රැළිය මෙවර ජාතික මැයි රැලිය ලෙස පැවැත්වීමට හැකිවන බවද හෙතෙම තවදුරටත් කියා සිටියේය.
ජාතික ජනබලවේගය විසින් මෙවර කම්කරු දින රැළි කොළඹ අනුරාධපුර මාතර හා යාපනය යන නගර වලදී පවත්වනු ලබයි.
ප්රධාන ගංගා කිහිපයක ඇති වැලි නිධි සම්බන්ධයෙන් සමීක්ෂණයක් ආරම්භ කර ඇතිබව භූ විද්යා හා පතල් කැනීම් කාර්යංශය පවසයි.
එම සමීක්ෂණයෙන් පසුව 2024 වර්ෂය සඳහා වැලි කැණීම සඳහා අවසර පත්ර ලබාදීමට නියමිතයි.
සොයා ගන්නා ස්ථාන පිළිබඳව සලකා බලා වැලි ගොඩදැමීමට අවසර ලබාදීමට නියමිතයි.
කළු ගඟ ,මහ ඔය, මහ වැලි ගඟ යන ගංගා වල එම සමීකරණය සිදුකිරීමට නියමිතයි.
ලංකා කම්කරු කොන්ග්රසයේ මැයි දින පෙලපාලිය සහ රැලිය අද දින කොටගල ප්රාදේශිය සභා ක්රිඩාංගණයේදි පැවැත්විමට එම පක්ෂයේ මහ ලේකම් අමාත්යය ජිවන් තොණ්ඩමන් මහතා තිරණය කර ඇත.
එම පක්ෂයේ මැයි දින රැලියට රජය නියෝජනය කරමින් ප්රධාන ආරාධිතයා වශයෙන් ජනාධිපති රනිල් වික්රමසිංහ මහතා ඇතුලු ඇමතිවරුන් කිහිපදෙනෙකු සහභාගි වන එම පක්ෂයේ මහ ලේකම් ජිවන් තොණ්ඩමන් මහතා පැවසිය.
මැයි දින පෙලපාලිය සහ රැලිය සම්බන්ධයෙන් කොටගල ක්රිඩාංගනයේදි මාධ්යට විශේෂ ප්රකාශයක් කරමින් ජිවන් තොන්ඩමන් අමාත්යවරයා කියා සිටියේ ලංකා කම්කරු කොන්ග්රසයට වැදගත් මැයි දින රැලියක් වසර පහකට පස්සේ තමයි මගේ පක්ෂේ මැයි දින රැලියක් පවත්වන්නේ. කොරොණා වසංගතය සහ ගත වු වසර කිහිපය තුල රටේ පැවති ආර්ථික ගැටලු නිසා මැයි දිනය සැමරුවේ නැ. වතු සමාගම් මේ මැයි දිනයේ තේරුම් ගනිවි වෘතිය සමිති වලට තිබෙන ශක්තිය පිලිබදව. ජනාධිපතිතුමා මෙම මැයි දිනයට සහභාගි වෙලා වතු කරයේ ජනතාවට සතුටු විය හැකි පණිවිඩයක් ලබා දෙනවා යැනුවෙන් පැවසිය.
ලංකා කම්කරු කොන්ග්රසයේ මැයි දින රැලියට එම පක්ෂයේ සමාජිකයන් විශාල පිරිසක් සහභාගි වන බවත්, ජිවන් තොන්ඩමන් අමාත්යවරයා පැවසිය
මෙරටට එල් වූ පාස්කු ප්රහාර මාලාව සම්බන්ධයෙන් ජාත්යන්තර විමර්ශනයක් කරන්නැයි එක්සත් ජාතීන්ගේ මානව හිමිකම් කවුන්සිලය හමුවට යන බව කොළඹ අගරදගුරු මැල්කම් රංජිත් කාදිනල්තුමන් සඳහන් කරති.
තමා මේ පිළිබඳව විදේශ රටවල් හා සංවිධාන කිහිපයක් සමඟ සාකච්ඡා කරමින් සිටින බවද එතුමන් පවසති.
ප්රහාරයට දැනට වසර පහක් ගත වී ඇතත් කිසිම රජයක් ඊට වග උත්තරකරුවන් හඳුනාගෙන නීතිය ක්රියාත්මක නොකිරීම නිසා මෙම තීරණය ගත් බවද අගරද ගුරු තුමන් සඳහන් කරති.
බීබීසී සේවය සමඟ අදහස් පල කරමින් එතුමන් මේ බව සදහන් කර ඇත.
ශ්රී ලංකා පොදුජන පෙරමුණ ගැන තමන් දැඩි කලකිරීමකට ලක්ව සිටින බව එම පක්ෂයේ කොලඹ දිස්ත්රික් පාර්ලිමේන්තු මන්ත්රී ප්රේමනාත් සී දොලවත්ත මහතා පවසයි.
පක්ෂයේ ඇතැම් නායකයින් තමන් ගැන කිසිදු තැකීමක් නොකරන බවද මන්ත්රීවරයා කියා සිටියි.
පක්ෂය වෙනුවෙන් දිවි හිමියෙන් ක්රියා කලද මේ වන තෙක් පක්ෂයේ කිසිදු වගකීමක් තමන්ට පවරා නොමැති බවද මන්ත්රීවරයා පැවසීය.
බත්තරමුල්ල බුද්ධදාස ක්රීඩාංගනයේ පැවති නව සන්ධානයේ කොලඹ දිස්ත්රික් පෙරපාසල් ගුරුවරුන්ගේ බක්මහ උලෙළේ සමාරම්භක අවස්ථාවට එක්වෙමින් ඔහු මේ බව කියා සිටියේය.
කෙසේ වෙතත් ඉදිරි ජනාධිපතිවරණයේදී රනිල් වික්රමසිංහ මහතාට සහාය දෙන බවත් ඔහු හැර වෙනත් අපේක්ෂකයෙකු පෙනෙන තෙක් මානයකවත් නොමැති බවත් මන්ත්රීවරයා තව දුරටත් පැවසීය.
මෛත්රීපාල සිරිසේන මහතාගේ සභාපතිත්වය යටතේ අත්තනෝමතික ලෙස ලබාදුන් ආසන සංවිධායක ධූර සම්බන්ධයෙන් සොයා බලන බව ශ්රී ලංකා නිදහස් පක්ෂයේ වැඩබලන මහ ලේකම් පාර්ලිමේන්තු මංත්රී දුමින්ද දිසානායක මහතා පැවසීය.
පක්ෂයේ පුරප්පාඩු වී ඇති ආසන සංවිධායක ධූර කඩිනමින් පිරවීමට කටයුතු කරන බව පැවසීය.
මේ අතර මෛත්රීපාල සිරිසේන මහතාගේ සභාපතිත්වය යටතේ අසාධාරණයට ලක්වූ පිරිස් සම්බන්ධයෙන් සොයා බැලීමට කමිටුවක් පත්කිරීමට නියමිතයි.
ඒ ශ්රී ලංකා නිදහස් පක්ෂයේ දේශපාලන මණ්ඩලය ගත් තීරණයකට අනුවයි.
අමාත්ය මහින්ද අමරවීර ,අමාත්ය ලසන්ත අලගියවන්න ,වීරකුමාර දිසානායක ,නීතීඥ ෆයිසර් මුස්තාපා මහතාගේ සහභාගිත්වයෙන් එම කමිටුව පත්කර තිබේ.
එහි සභාපතිත්වය තමන් දරණ බව ශ්රී ලංකා නිදහස් පක්ෂයේ වැඩබලන මහ ලේකම් දුමින්ද දිසානායක මහතා වැඩිදුරටත් පැවසීය.
සමගි ජන බලවේග පක්ෂයේ සියලු මන්ත්රීවරුන්ගේ සහය වත්මන් ජනාධිපතිවරණ වික්රමසිංහ මහතා වෙත ලබා දිය යුතු බවට වන යෝජනාවක් එම පක්ෂයේ මන්ත්රීවරුන්ගෙන්ම ඉදිරිපත් වී ඇතැයි අමාත්ය මනුෂ නානායක්කාර මහතා සඳහන් කරයි.
එක්සත් ජාතික පක්ෂය හැර ගොස් සමගි ජන බලවේගයට එක් වූ පාක්ෂිකයන් විශාල පිරිසක් අද වන විට නැවතත් එක්සත් ජාතික පක්ෂයට එක්වෙමින් සිටින බවද ඔහු පැවසීය.
එම පක්ෂයේ සිටින මන්ත්රීවරුන්ද බොහෝ දෙනකු ඉදිරි මැතිවරණයේදී ජනාධිපති රනිල් වික්රමසිංහ මහතා යටතේ තරග කරන බව දැනුම් දී ඇති බවද ඔහු කියා සිටී.
තවත් මන්ත්රී කණ්ඩායමක් සම්පූර්ණ පක්ෂය පිටින්ම ජනාධිපතිවරයාට සහාය දිය යුතු බවට පක්ෂය ඇතුළත සිට දැඩි බලපෑමක් එල්ල කරමින් සිටින බවද හෙතෙම තවදුරටත් සඳහන් කළේය.
අමාත්යවරයා මෙම අදහස් පළ කරන ලද්දේ කොළඹදී පැවති මාධ්ය හමුවක් අමතමිනි.
පාර්ලිමේන්තු මන්ත්රීවරුන් හතළිහකට ආසන්න පිරිසක් සිය ගමන් බිමන් සඳහා අඩු වියදම් සහිත කුඩා වාහනවලට යොමුවී සිටී.
ඒ ඔවුන්ට ඇතිවී තිබෙන ආර්ථික ගැටලු හේතුවෙන් සුඛෝභෝගී වාහන නඩත්තු කිරීමට නොහැකි වීම හේතුවෙනි.
මෙම මන්ත්රීවරුන් පාර්ලිමේන්තු රැස්වීම් වලට සහභාගි වීම මෙන්ම විවිධ උත්සව සඳහා පැමිණීමද සීමා කර ඇත්තේ අධික ඉන්ධන වියදම හේතුවෙනි.
තවත් මන්ත්රීවරුන් කිහිප දෙනෙකු බස්රථ දුම්රිය ඇතුළු පොදු ප්රවාහන සේවාවන් භාවිතා කිරීමට පුරුදු වී ඇත.
තවත් මන්ත්රී පිරිසක් තමන් සතුව පැවති වැඩි වටිනාකමකින් යුතු වාහන විකුණා දැමීමටද කටයුතු කර තිබේ.
අද වන විට ශ්රී ලංකා නිදහස් පක්ෂයේ නිල අයිතිය ඇත්තේ ඇමති නිමල් සිරිපාල ද සිල්වා මහතාට පමණක් බව එම පක්ෂයේ වැඩ බලන මහලේකම් දුමින්ද දිසානායක මහතා සඳහන් කරයි.
නිමල් සිරිපාල මහතා වැඩ පක්ෂයේ වැඩ බලන සභාපතිවරයා ලෙස පත්කර ඇති බවත් නිත්යානුකූල නොවන ලෙස වැඩ කළ පිරිස මෙවන විට අධිකරණයෙන් වාරණයකට ලක්ව ඇති බවත් හෙතෙම පැවසුවේය.
පවතින තත්ත්වය මත පක්ෂයේ නීත්යානුකූල බලය මෙවන විට හිමි වී ඇත්තේ තම කණ්ඩායමට පමණක් බවත් හෙතෙම කියා සිටී.
එනිසා වෙන කණ්ඩායම් පක්ෂ රැස්වීම් කැඳවීමේ කිසිදු ඵලයක් නොලබන බවද මන්ත්රීවරයා තවදුරටත් කියා සිටියේය.
අද වනවිට තමන් සමගි ජන බලවේගයේ සිල්ලර සාමාජිකයෙක් බවට පත්ව ඇති බව එම පක්ෂයේ පාර්ලිමේන්තු මන්ත්රී විජිත් විජේමුණි සොයිසා මහතා සඳහන් කරයි.
එනිසා තමන් ස්වාධීනව කටයුතු කරගෙන යන බවද සමගි ජන බලවේගයේ සාමාජිකයෙක් වුවද මේ වනතෙක් තමන් පැත්තකට කර දමා ඇති ඔහු කියා සිටී.
අද වන තෙක් තමන්ට කිසිදු වගකීමක් ලබාදී නැති බවත් ආසන සංවිධායක ධුරයක් හෝ මේ වනතෙක් නැති බවත් හෙතෙම පැවසීය.
මාධ්ය හමුවක් අමතමින් මන්ත්රීවරයා මෙම අදහස් පළ කරන ලදී.
යාපනය තරුණයින් පිරිසක් විසින් වාර්ෂිකව සිදුකරනු ලබන පොර පොල් තරඟයක් වෙනුවෙන් ක්රීඩා කිරීම සඳහා පොල් ගෙඩි කිහිපයක් වෙන්දේසි කිරීමේදී එක් පොල් ගෙඩියක් රුපියල් 4000 ක මිලකට වෙන්දේසි වීම විශේෂත්වයක් විය.
සංගානෙයි හින්දු තරුණ සංසදය විසින් මෙම පොර පොල් තරඟය සහ පොල් වෙන්දේසිය සංවිධානය කොට තිබුණි.
එහිදී පොර පොල් තරඟය වෙනුවෙන් විශේෂිත වූ පොල් ගෙඩි කිහිපයක් තෝරාගෙන එම පොල් තරඟකරුවන් වෙනුවෙන් වෙන්දේසි කිරීමට සංවිධයකයින් පියවර ගෙන තිබුණි.
කෙසේ වෙතත් තෝරාගෙන තිබූ අනෙකුත් සියලු පොල් එක් ගෙඩියක් රුපියල් දහසකට අධික මුදලකට වෙන්දේසි වූ අතර ඒ අතරින් එක් ගෙඩියක් තරඟකරුවන් කිහිප දෙනෙකු ලබාගැනීමට ගත් උත්සහයකදී මෙලෙස රුපියල් 4000 ක මුදලකට වෙන්දේසි විය.
පරම්පරික්ව එන පොර පොල් තරඟය යාපනය ජනතාවගෙන් අමතක නොවීම උදෙසා සංගානෙයි හින්දු තරුණ සංසදය විසින් වාර්ෂිකව මෙලෙස පොර පොල් තරඟයක් පවත්වනු ලබයි.
– වන්නි රොමේෂ් මධූෂංඛ
ජනතාව දේශපාලඥයින්ට හෙන ඉල්ලන යුගයක මෑත ඉතිහාසයේ මිලියන ගණනක් ශ්රී ශ්රී ලාංකිකයන්ගේ දුක් කඳුළු මැද නික්ම යන දේශපාලනඥයකු සිටී නම් ඒ අපෙන් සමු ගන්නවා හිටපු නියෝජ්ය අමාත්යවරයකු සහ ජනතාවාදී නායකයකු වූ පාලිත පාලිත තෙවරප්පෙරුමයි.
අද බොහෝ දෙනා ම ඔහුගේ වියෝවෙන් කම්පාවන අතර දේශපාලනයට පිවිසි ඔහු කළ කීදෑ, ජනතාවාදී සටන් පිළිබඳ මතකයන් බොහෝ සෙයින් මාධ්යයන්වල ින් සංසරනයවේ. එහෙත් ඔහුගේ දේශපාලනයට පෙර අතීතය සම්බන්ධයෙන් ඇත්තටම දන්නා අය අතරින් ඔහු ළඟින් ආශ්රය කළ, ඔහුට උදව් කළ මිත්රයෙකු තැබූ සටහනක් අප මෙසේ ඒ මානව හිතවාදියා වෙනුවෙන් සිදුකරන ගෞරවයක් ලෙස උපුටා දක්වමු.
චන්ඩි මතකයක්…
පාලිත තෙවරප්පෙරුම නැතහොත් චන්ඩි මා හඳුනාගත්තේ 1986 වසරේදීය. ඒ මා මතුගම ශා. මේරි විදුහලේ උසස් පෙළ හදාරන අවධියේදීය. එකල ඔහු දේශපාලනයට සම්බන්ධව නොතිබුනි. නමුත් එකල ඔහු මතුගම ඉතාමත් ජනප්රිය චරිතයක් විය. කොලිවුඩ් සිනමාවේ වීරයාගේ චරිතයට සමාන චරිත ලක්ශණ වලින් යුතුවූ ඔහු නිතරම් අසාධාරණයට විරුද්ධ වීර චරිතයේ ජීවත් විය. දමිල සිනමාවේ මෙන්ම, එකල පොලීසිය ඔහුගේ ප්රධාන ප්රථිවාදියා විය.
එයටම සමානුපාතිකව ඔහු හතලිහක පමණ නඩු වැලක පැටලී සිටියේය. මේ නිසා නීතීඥයෙක් වූ මාඟේ පියාගේ මතුගම කාර්යාලයේ පාලිත අයියා රැඳී සිටිනු එකල සුලභ දසුනක් විය. ඔහු වෙනුවෙන් උසාවියේ පෙනී සිටීමට කිසිදු මුදලක් මාගේ පියා අය කරේ නැත. අවංක තරුනයකු නිසි මග ගැනීම මාගේ පියාගේ අධිශ්ථානය වන්නට ඇත. නමුත් දිනෙන් දිනම නඩු වැඩි උනා මිස අඩුවක් උනේ නැත. මේ තත්වය උච්චස්ථානයට පැමිණියේ උසස් පොලිස් නිලධාරියකුට විරුද්ධව මතුගම නගරය පුරා පෝස්ටර් ගැසීමත් සමගය..
එම සිදුවීමට පසුදා පාන්දර පාලිත අයියා මගේ පියාට දුරකථන ඇමතුමක් ලබා දුන් අතර ඉතා උස් හඬින්, බොහෝ විදග්ධ වචන මගේ පියාගෙන් විසිවනු ඇසින. වහාම සිය මිතුරකුගේ වාහනයක් යවා අපගේ පයාගල නිවසට ඔහුව ගෙන්වා සඟවා තැබුවේ රාජ්ය විරෝධී චෝදනා ගොනුවීමෙන් වලක්වා නිසි අවස්ථාවේදී උසාවියට ඉදිරිපත් කිරීම සඳහාය. උසාවියට යන අතරමග අත් අඩංගුවට ගැනීම වලක්වාලනු සඳහා පසුදින පාලිතව මගේ පියාගේ රථයේ පිටුපස බිම නිදිකරවා ප්රධාන මාර්ග මගහැර අතුරු පාර වලින් මතුගම උසාවියට ගෙනයාමට රියදුරු වශයෙන් කටයුතු කිරීමට මා හට භාර උනේ එම කටයුත්ත ඉතාමත් රහසිගතව සිදුවිය යුත්තක් වූ බැවිනි. උසාවියට ඉදිරිපත් කළ පසු ඇප ලබාගැනීමට හැකිවීම බොහෝ දෙනෙකුගේ පුදුමයට කාරනයක් විය.
මෙම සිද්ධිය පාලිතගේ දිවියේ හැරවුම් ලක්ෂ්ය විය. මාගේ පියාගේ මිතුරු උසස් නිලධාරීන් සමග සාකච්චා කර යම් එකගතාවකට එළඹ ඔහුට පැටවී තිබූ නඩු වැලෙන් වසර කිහිපයකදී ඔහුව ගලවා ගැනින. අනතුරුව දේශපාලනය වෙත නැඹුරු වූ පාලිත මතුගම ප්රාදේශීය සභාවට තරඟ කලේය. ඔහුගේ දේශපාලන ගුරුවරයා වූයේ එවකට මතුගම එක්සත් ජාතික පක්ශ සංවිධායක වරයා වූ මහින්ද සමරසිංහ මහතාය. පක්ශ සංවිධායක වරයාගේ ප්රධාන සංවිධායක වශයෙන් පාලිත කටයුතු කලේය.
මහින්ද සමරසිංහ මහතා එක්සත් ජාතික පක්ෂය හැරදමා ශ්රී ලංකා නිදහස් පක්ෂයට පිම්මක් පනිනා විට පාලිත පක්ෂය හැර නොගියේය. පාලිත එක්සත් ජාතික පක්ෂයෙන් මතුගම ප්රාදේශීය සභාවට තරඟ කරනා අතරම ඔහුගේ එක් කුස උපන් සහෝදරයා ශ්රී ලංකා නිදහස් පක්ශයෙන් තරඟ කලේය. මැතිවරණය ජයගත්තේ වී නමුදු ප්රාදේශීය සභා සභාපති ධුරය භාර ගැනිමට ඔහු පැකිලුනේය. පසු කලෙක පාලිත වෙබ් අඩවියක සාකච්චාවකට සහභාගී වෙමින් පවසා සිටියේ කිංස්ලි ප්රනාන්දු මහතාට තමාට සභාපති ධූරයේ වැඩ කිරීමට නොදන්නා බව පවසන විට ඔහුට තිබෙන සුදුසුකම නොදන්නා බව දැනගැනීම යැයි පවසා දිරිගැන්වූ බවය.
මුල් කාලයේදී ඔහු මතුගම යටදොල ප්රදේශයේ නිල නොවන පාලකයා විය. ප්රාදේශීය සභා සභාපති වරයා වීමත් සමගම එය මතුගම දක්වා දිගුවිය. අනතුරුව පාර්ලිමේන්තු මන්ත්රි වරයකු වීමත් සමග එය අගලවත්ත, බදුරලිය පසු කර අත්වැල්තොට පාලම් තෙක් දිගු විය. මේනිසා වරින් වර බොහෝ රාජ්ය ආයතන සහ නිලධාරීන් සමග ගැටුම් ඇතිවිය. මේ ගැටුම් සියල්ලම පාහේ සාමාන්ය ජනතාව වෙත බලවතුන්ගේ සහ නිලධාරීන්ගේ අනීතික ක්රියාවන් වලට විරුද්ධ වීම නිසා ආරම්භවූ සිද්ධීන්ය. බොහෝමයක් ගැටුම් කෙලවර වූයේ උසාවියෙනි.
2004 වසරේ සුනාමි ව්යසනයට අපගේ නිවස විනාශවූ අවස්ථාවේ ඔහු පැමිනියේ 300 ක පමණ පිරිසක් කැටුවගෙනය. අපගේ පයාගල ගම්මානයම පවිත්ර කිරීමට දින දෙකක් පුරා මේ පිරිස දායක විය. 2015 පාර්ලිමේන්තු මැතිවරණය ඔහු ජයග්රහනය කරේ බන්ධනාගාර ගතව සිටිම්නි. පසුව උසාවියෙන් ඇප ලබා ගත් වහාම තම නිවසට යාමට පෙර වාහන 250ක පමණ රථ පෙරහැරකින් අපගේ නිවසට පැම්ණ එවකට රෝගී තත්ත්වයේ සිටි මාගේ පියා දැක ගැනීමට පැමිනියේ ඔහුගේ තිබූ කෘතගුණශීලී බව පසක් කරමිණි.
බල ලෝභී දේශපාලන ව්යාපෘතියක් වශයෙන් ජාතිවාදය සහ ආගම් වාදය මහා පරිමාණයෙන් අවුලුවන සමයේ ඔහු පෙනී සිටියේ සුළු ජාතික ව්න්දිතයා වෙනුවෙනි. බේරුවල මුස්ල්ම් ජනතාව වර්ගවාදින්ගෙන් මුදවා ගැනීමට ඔහු නොබියව පෙරමුන ගත්තේය. කොවිඩ් වසංගත සමයේ ඔහුගේ මැදිහත්වීම සෞඛ්ය බලධාරීනට හිසරදයක් විය. නමුත් හිත හොඳ චන්ඩියා නැවතාලීමට කිසිවකුට නොහැකිවිය.
ඔහුගේ ජීවිතයට මරු පහරක් එල්ල වූයේ සිය ලොකු පුතාගේ මරණය නිසාවෙනි. ඔහු එයින් මහත් පීඩාවක් වින්දේය. ඕනෑම දරුවකුට කිසිදු භේදයකින් තොරව ආදරය කල පාලිත අයියාට සිය දරුවාගේ මරණය දරාගත් නොහැකි විය.
පාලිත අයියා අපගේ පුතුන් තිදෙනාටද හොඳ මිතුරකු විය.
අප හමුවන බොහෝ විට මගේ පුතුන් තිදෙනාගෙන් එක් අයකු නීතීඥයෙක් කර දෙන ලෙස පාලිත අයියා ඉල්ලා සිටියි. ඔහු මියැදුන අදට සති දෙකකට පෙර දුරකථනයෙන් කතා කරනා අවස්ථාවේද එම ඉල්ලීම කලේය. දින කිහිපයකට පසු මගේ පොඩ් පුතා නීති උපාධිය සඳහා තේරුන බව කීමට නොහැකි වීම එතරම් ප්රාර්ථනාවක් කල අයෙකු වෙත කල නොසැලකිල්ලක් බව මගේ සිත පෙලයි.
කෙසේ වෙතත්, අප නැවත මුන නොගැසෙන්නෙමු..
ඉතින් ආයූබෝවන් හිත හොඳ මිතුරානෙනි..
උපුටා ගැනීම: ජීවන ප්රනාන්දු මහතාගේ ෆේස්බුක් පිටුවෙනි
රටේ ආර්ථිකය කඩා වැටීම සම්බන්ධයෙන් සෘජුවම මහබැංකුව වගකිව යුතු බව හිටපු මුදල් අමාත්ය එක්සත් ජාතික පක්ෂ කොළඹ දිස්ත්රික් පාර්ලිමේන්තු මන්ත්රී රවී කරුණානායක මහතා පවසයි.
අන්තර්ජාල නාලිකාවක් සමඟ සාකච්ඡාවකට එක්වෙමින් ඔහු සඳහන් කර ඇත්තේ ඒ සඳහා ජනතා විමුක්ති පෙරමුණ ද වගකිව යුතු බවයි.
දේශපාලන වශයෙන් වික්රමසිංහලා සහ රාජපක්ෂලා පෑහෙන්නේ කෙසේදැයි ඇසු පැනයට පිළිතුරු ලබාදී ඇති රවී කරුණානායක මහතා සඳහන් කර ඇත්තේ සියලු දෙනාම එක් වී මේ වන විට රටේ උන්නතිය වෙනුවෙන් කටයුතු කරමින් සිටින බවයි.
ලංකාවේ සියලු දෙනාම යහළුවන් බැවින් රාජපක්ෂලා සහ වික්රමසිංහලා යහළුවන් වීම ගැටළුවක් නොමැති බවත් හෙතෙම එහිදී සදහන් කර ඇත.